O Colexio Guillelme Brown no Concello do Pereiro de Aguiar, recibe a distinción Comedor Escolar KM𝟎 ® no marco do proxecto “Comedores Responsables KM0”.
Este recoñecemento pon en valor o compromiso do centro cun modelo de comedor escolar máis saudable, sostible e ligado ao territorio, baseado no uso de produtos locais, de tempada e de proximidade.
O centro participa neste proxecto xunto con outras 57 colectividades de toda Galicia e preto de 110 integrantes do tecido produtivo dos territorios dos oito Grupos de Desenvolvemento Rural implicados, entre eles este GDR Adercou, no que se integra o Concello do Pereiro de Aguiar. A iniciativa, coordinada polo GDR Terras de Compostela, busca fortalecer as canles curtas de comercialización, apoiar aos produtores locais e achegar a alimentación escolar ao produto do territorio .
MEDIOS
- La Voz de Galicia “El colegio Guillelme Brown logra un premio por su comedor de kilómetro cero.”
- DiariodeSantiago.es “El Colexio Guillelme Brown recibe la primera certificación KM 0 de comedores escolares en Galicia”
- maisgrelos.com “Colexio Guillelme Brown recibe a primeira distinción como Comedor Escolar KM 0 en Galicia”
- Alacena Roja “El Colegio Guillelme Brown, distinguido como Comedor Escolar KM 0”