O mes de abril marcou o inicio das accións formativas do programa Comedores Responsables KM0 no GDR Adercou, cunha participación moi activa por parte de colectividades e tecido produtivo do territorio.
Durante estas semanas celebramos:
- Formación en Abastecemento para Colectividades, centrada en mellorar a conexión co produto local e optimizar a compra de proximidade.
- Formación en Seguridade Alimentaria para Colectividades, abordando normativa, boas prácticas e garantías para ofrecer un servizo responsable e seguro.
- Nutrición, formación centrada na alimentación nos comedores, adaptada ao decreto e ao produto local, abordando bases nutricionais, calidade dos alimentos e a súa aplicación práctica.
Ao mesmo tempo, o tecido produtivo participou en sesións específicas sobre:
- Aplicación do RD 315/2025 e o seu impacto nos provedores. Análise da situación produtiva local, incluíndo loxística e certificación.
- Seguridade Alimentaria, esencial para traballar con colectividades e comedores colectivos con todas as garantías.
Queremos agradecer especialmente a implicación de produtores, empresas agroalimentarias, centros educativos e profesionais da alimentación que participaron nestas xornadas. A súa participación activa, as preguntas, as achegas e o intercambio de experiencias enriquecen o proxecto e demostran que hai vontade real de avanzar cara a un modelo máis sostible.
Este tipo de formación non só mellora competencias técnicas, senón que fortalece a rede local, crea oportunidades de colaboración e reforza o vínculo entre quen produce e quen alimenta diariamente ás nosas comunidades.
Seguimos traballando para impulsar comedores máis responsables, máis conectados co territorio e co produto galego de calidade.
Anterior
Seguinte