ADERCOU (Asociación de Desenvolvemento Rural da Comarca de Ourense) financia, a través do Plan Leader un ciclo de cursos de “Aplicador/Manipulador de produtos fitosanitarios. Nivel Básico”
Debido á gran demanda de usuarios que precisan o carné de fitosanitarios para poder adquirir estes produtos, o ADERCOU está realizándose nos concellos da Comarca de Ourense un total de oito cursos, nos que recibirán a formación unha media de 250 persoas, que poderán acceder aos exames realizados polo AGACAL entre os meses de xuño e setembro en EVEGA.
O carné fitosanitario básico é un requisito indispensable para aquelas persoas que precisen aplicar produtos fitosanitarios nos seus cultivos de forma particular ou para agricultores sen traballadores a seu cargo.
O inicio deste ciclo de cursos deu comezo no mes de xuño e onte dia 23 e hoxe dia 24 entregáronse os carnés dos que xa realizaron o exame; os primeiros en recibilo foron os concellos de Coles A Peroxa e O Pereiro, quedando pendentes por examinarse os dos Concellos de Barbadás, San Cibrao, A Merca, Gomesende e Amoeiro, que farano no mes de setembro.
Achégase foto do Presidente de Adercou, Manuel Seoane que entregou máis de 50 diplomas e carnés do seu Concello.
Ao longo deste verán Adercou, tamén levará a cabo outras actuacións de posta en valor de diferentes rutas de sendeirismo polos recursos naturais máis importantes do territorio.
Estade pendente da nosa páxina web https://adercou.com onde se poderán realizar a inscripción a estas rutas con degustación de produtos do territorio.
[Ler noticia en Diario La Región]
[Ler noticia en Diario La Voz de Galicia]
