O pasado sábado, un total de 40 participantes procedentes de distintos puntos de Galicia gozaron da andaina interpretativa organizada en Amoeiro, unha actividade que combina sendeirismo, patrimonio e gastronomía local.
A ruta, de carácter circular, percorreu os Cháns de Amoeiro, onde se visitaron os petroglifos e se explicou a relación desta contorna co calendario celta, así como os restos do Neolítico e da Idade de Bronce. O percorrido incluíu tamén a aldea de Formigueiro e culminou no Pazo de San Damián, onde o alcalde José Luis González deu a benvida aos camiñantes.
No pazo esperaban unha degustación e mercadillo de produtos locais, con propostas de Avícolas Amoeiro, Mel de Amoeiro, queixos e viños de Trasalba ademais doutras delicias da contorna.
A xornada completouse cunha visita ao Pazo de Trasalba e á Casa Museo de Otero Pedrayo, guiada por Andrea, poñendo o broche final a un día de descuberta cultural e gastronómica.
Medios:
