Os primeiros encontros do programa “Comedores responsables KM0” deixan xa unha pegada moi positiva en todo o territorio, mostrando o gran interese e compromiso do rural galego coa alimentación sostible, saudable e de proximidade.
Esta iniciativa, impulsada por Agader e desenvolvida por oito 𝐆𝐫𝐮𝐩𝐨𝐬 𝐝𝐞 𝐃𝐞𝐬𝐞𝐧𝐯𝐨𝐥𝐯𝐞𝐦𝐞𝐧𝐭𝐨 𝐑𝐮𝐫𝐚𝐥 (𝐆𝐃𝐑), está a crear espazos de diálogo, aprendizaxe e colaboración entre centros educativos, outras colectividades, produtores, elaboradores e administracións locais:
- GDR 19 Terras de Compostela
- GDR 08 Sil Bibei Navea
- GDR 11 Adercou
- GDR 04 Comarca de Lugo
- GDR 16 Pontevedra Norte
- GDR 22 Costa da Morte
- GDR 21 Comarca de Ordes
- GDR 05 Miño-Ulla
𝐎 𝐢𝐦𝐩𝐚𝐜𝐭𝐨 𝐝𝐞𝐬𝐭𝐚 𝐩𝐫𝐢𝐦𝐞𝐢𝐫𝐚 𝐞𝐭𝐚𝐩𝐚…
Tras as primeiras semanas de encontros territoriais, o proxecto xa conseguiu mobilizar unha importante rede de persoas e entidades:
- 57 centros participantes (colexios, residencias, vivendas comunitarias e 1 servizo de cátering)
- 104 membros do tecido produtivo.
𝐔𝐧𝐡𝐚 𝐫𝐞𝐝𝐞 𝐪𝐮𝐞 𝐜𝐨𝐦𝐞𝐳𝐚 𝐚 𝐭𝐞𝐜𝐞𝐫𝐬𝐞…
Nesta primeira etapa, os encontros permitiron:
- Coñecer mellor as necesidades dos centros e das cociñas.
- Pór en valor o traballo dos produtores e da economía de proximidade.
- Abrir espazos de colaboración entre actores do territorio.
- Compartir experiencias inspiradoras e exemplos reais.
- Recoller achegas, suxestións e propostas para mellorar o proxecto.
O traballo continúa, e esta é só a primeira parte dun proxecto que seguirá medrando ao longo deste 2026 que pronto comezará… e tamén durante o 2027 .
