No marco do Programa Leader 2025, dende Adercou poñemos en marcha un ciclo de actividades de promoción dos valores naturais, culturais, turísticos e gastronómicos dos concellos que integran o territorio deste GDR11.
O programa “Coñece e saborea Ourense”, que desenvolverá a firma Surbia Natura, contemplará rutas de sendeirismo temático interpretativo nos mellores entornos naturais de cada concello, con degustación de produtos locais para gozar deste extenso e rico territorio adscrito a Adercou.
ACTIVIDADES PROGRAMADAS
O proxecto desenvólvese en 8 xornadas, cada unha delas nun dos concellos participantes no proxecto (A Merca, Barbadás, Coles, Amoeiro, Gomesende, San Cibrao das Viñas, Toén e A Peroxa).
O grupo de actividades en cada xornada inclúe:
- en horario de mañá, unha ruta de sendeirismo temática e interpretativa, de nivel fácil ou moderado, en espazos naturais dos concellos
- e a mediodía, unha degustación de produtos locais preparada e presentada nun dos establecementos hostaleiros da zona.
INSCRICIÓN
O 1 de Agosto abriranse as inscricións ás actividades ata o esgotamento das 40 prazas ofertadas por concello. Formulario de inscrición.
Respetaranse as prazas por rigurosa orde de anotación.
As persoas que non entren no cupo de inscritos/as pasarán a unha listaxe de reserva e serán avisadas en caso dalgunha baixa nas inscricións.
- 6 de setembro: A MERCA
Ruta: A Canle do Ruca e os seus miradoiros (Rubillós) 8 km – Dif: media
Degustación: O Mesón do Labrego (A Merca)
- 7 de setembro: BARBADÁS
Ruta: O Tangaraño e San Benito de Cova do Lobo (Saída de A Valenzá)
7 km – Dif: media
Degustación: Restaurante Os Faroles (A Valenzá)
- 14 de setembro: COLES
Ruta: Ruta do Concello de Coles (12 km – Dif: media)
Degustación: Adega Ferreiros
- 20 de setembro: AMOEIRO
Ruta: Arqueoastronomía nos Chaos de Amoeiro (Albeiros)
9 km – Dif: fácil
Degustación: Pazo de San Damián
- 21 de setembro: GOMESENDE
Ruta: Río Arnoia (16 km, Dif: media-alta)
Degustación: Bar Braseiro
- 27 de setembro: SAN CIBRAO DAS VIÑAS
Ruta: Tesouros de Soutopenedo, A Laxe e A Boutueira (Soutopenedo)
8,5 km – Dif: fácil
Degustación: Bar O Cruceiro (Soutopenedo)
- 28 de setembro: TOÉN
Ruta: Ruta de Moreiras (12km Dif: media)
Degustación: Casa Ana
- 5 de outubro: A PEROXA
Ruta: A Paraxe Sacra da Peroxa (12km Dif: media)
Degustación: A Casa do Agro
